De Wilhelmine Siefkes-pries van de stad Leer wordt om de vaaier joar oetlangd en dit joar op 19 feberwoarie aan boukhandeloar en oetgever Theo Schuster. Schuster krigt de pries veur zien daipgroavende studies op t gebied van de Noord-Duutse volkspoëzie en veur dat hai, o.a. mit zien boukhandel ien Leer, al zowat n haalve eeuw n vureg pleitbezörger is veur de Plattduutse literatuur.
Zo verschenen bie zien oetgeverij vanof 1975 oetgoaves van t Institut für Niederdeutsche Sprache, verder het Schuster t waark van de ien 1984 overleden Siefkes opnij oetgeven. Siefkes' bekendste waark is de roman 'Keerlke'.
De pries wordt sinds 1990 oetlangd en ging o.a. ien 1990 noar Henry Hes en ien 1998 noar Kees Visscher.
Meer ien t Dagblad van het Noorden.
Meer op webstie van Stadt Leer.
0 reacties:
Een reactie plaatsen